இராகம்:- சகானா - Ragam:- Sahana.

சகானா இருபத்தெட்டாவது மேளகர்த்தா இராகமும், "பாண" என்று அழைக்கப்படும் ஐந்தாவது சக்கரத்தின் நான்காவது இராகமுமாகிய அரிகாம்போதியின் ஜன்னிய இராகம் ஆகும்.

இந்த இராகத்தில் 

சட்சம் (ச), 

சதுச்ருதி ரிசபம் (ரி₂), 

அந்தர காந்தாரம் (க₃), 

சுத்த மத்திமம் (ம₁), 

பஞ்சமம் (ப), 

சதுச்ருதி தைவதம் (த₂), 

கைசிக நிசாதம் (நி₂) ஆகிய சுரங்கள் வருகின்றன. 

இதன் ஆரோகண அவரோகணங்கள்.

ஆரோகணம்:	ச ரி2 க3 ம1 ப ம1 த2, நி2ச
அவரோகணம்:	ச நி2த2 ப ம1 க3 ம1 ரி2 க3 ரி2 ச

~~~~~~~~~~~~~~~~~~~~~~~~~~~~~~~~~~~~~~~~~~~~

ஆரோகணம்:-> ஏறுவரிசை (ஆரோகணம்) என்பது சப்தஸ்வரங்கள் சுருதியில் முறையே உயர்ந்து கொண்டு போகும் சுரங்களையுடைய ஒரு தொடராகும். இதனை ஆரோஹி, ஏற்றம், ஆரோசை, ஏறுவரிசை, ஆர்முடுகல், ஏறுநிரை அல்லது ஏறுநிரல் என்றும் சொல்வதுண்டு.

உம்:- ஸ ரி க ம ப த நி ஸ்.

அவரோகணம்:-> இறங்குவரிசை (அவரோகணம்) என்பது சப்தஸ்வரங்கள் (ஏழுசுரங்கள்) சுருதியில் முறையே குறைந்து கொண்டு போகும் சுரங்களை உடைய ஒரு தொடராகும். இதனை இறக்கம், அவரோஹி, அமரோசை, அமர்முடுகல், இறங்குநிரை அல்லது இறங்குநிரல் என்றும் சொல்வதுண்டு.

உம்:- ஸ் நி த ப ம க ரி ஸ.

~~~~~~~~~~~~~~~~~~~~~~~~~~~~~~~~~~~~~~~~~~~~

இந்த இராகத்தில் எல்லாச் சுரங்களும் முழுமையாக அமையாததால் இது "வர்ஜ" இராகம் எனப்படும். இதன் ஆரோகணத்தில் 7 சுரங்களும் அவரோகணத்தில் 7 சுரங்களும் உள்ளன. இதனால் இது "சம்பூர்ண" இராகம் எனப்படுகின்றது. இதன் ஆரோகணத்தில் மத்திமமும், அவரோகணத்தில் மத்திமம். காந்தாரம் என்பனவும் ஒழுங்கு மாறி வந்திருப்பதால் இது ஒரு வக்கிர இராகம் ஆகிறது.

இந்த ராகத்தில் வெளிவந்த திரைப்பட பாடல்களை பார்ப்போம்.

(1) பாடல்:- "பார்த்தேன், சிரித்தேன், பக்கத்தில்..."

படம்:- வீர அபிமன்யு - 1965;

இசை:- K.V.மகாதேவன்;

பாடல் வரிகள்:- கண்ணதாசன்;

பாடியவர்கள்:- P.B.ஸ்ரீனிவாஸ், P.சுசிலா;

நடிப்பு:- ஏவிஎம்.ராஜன், காஞ்சனா.

http://youtu.be/aXtdRLIq99U

(2) "எங்கோ பிறந்தவராம் எங்கோ வளர்ந்தவராம்...." 

படம்:- பொம்மை;

ரிலீஸ்:- 22nd ஏப்ரல் 1964;

இசை:- S.பாலசந்தர்;

பாடல் ஆசிரியர்:- வித்வான் வே.லக்ஷ்மணன்;

பாடியவர்:- P.சுசிலா;

நடிப்பு:- L.விஜயலட்சுமி.

http://youtu.be/J_W5u3U4FYQ 

(3) பாடல்:- "ருக்கு ருக்கு ருக்கு....."

திரைப்படம்:- அவ்வை சண்முகி;

 ரிலீஸ்:- 10th நவம்பர் 1996; 

இசை:- தேவா;

பாடல் ஆசிரியர்:- வாலி;

பாடியவர்கள்:- கமல்ஹாசன், சுஜாதா;

நடிகர்கள்:- கமல்ஹாசன்,மீனா.

http://youtu.be/DTRA_Ng6WEU 

(4) பாடல்:- "அன்பே சுகமா உன் தாபங்கள் சுகமா தலைவா சுகமா சுகமா..." 

திரைப்படம்:- பார்த்தாலே பரவசம்;

ரிலீஸ்:- 14 th நவம்பர் 2001;

இசை:- A.R.ரஹ்மான்; 

பாடல் ஆசிரியர்:- வைரமுத்து;

பாடியவர்கள்:- சாதனா சர்கம், ஸ்ரீநிவாஸ்;

நடிகர்கள்:- மாதவன், சிம்ரன்.

http://youtu.be/c3v_-4Qb0yw

(5) பாடல்:- "பூந்தேனா....."  

திரைப்படம்:- ஈர நிலம்; 

ரிலீஸ்:- 08th ஆகஸ்ட் 2003;

இசை:- சிற்பி;

பாடியவர்:- சின்மயி.