தாழை மடல் சிரிப்பு
வாழை உடல் விரிப்பு
ஆடிவரும் அன்னம் அல்லவா நீ
ஆடிவரும் அன்னம் அல்லவா
மாலை தந்த சிறப்பு
சோலை கண்ட வனப்பு
ஆலை கொண்ட கோலமல்லவா நீ
ஆலை கொண்ட கோலமல்லவா
.
நடையினில் நடனத் தேர்வலம்,
இடையினில் பருவ ஊர்வலம்,
தடையில்லை இன்னும் தயக்கமா
விடையில்லை நெஞ்சில் மயக்கமா
தட்டுடன் பள்ளிக்கூடம் - அதை
தொட்டதும் தொடங்கும் பாடம்
கற்றிட வெட்கம் மூடும் - பின்
பெற்றிட பெண்மை நாடும்
.
தாழை மடல் சிரிப்பு
.
இதழும் விழியும் கொஞ்சும்
இன்னொருமுறை எனக்கெஞ்சும்
அலையென வளரும் நெஞ்சம்
கலையினில் உருகும் மஞ்சம்
கண்களும் உன்னை தேடும் - ஒரு
கவிதையில் உன்னைப் பாடும்
அன்றினில் ஆவல் கூடும் - உன்
அழகினால் ஆசை ஆடும்
.
தாழை மடல் சிரிப்பு
~~~~~~~~~~~~~~~
திரைப்படம்:- தங்க வளையல்;
ரிலீஸ்:- 11th அக்டோபர் 1974;
இசை:- கே.வி.மகாதேவன்;
பாடல்:- அவிநாசி மணி;
பாடியவர்கள்:- TMS, LR. ஈஸ்வரி;
நடிப்பு:- ஜெய்சங்கர், கே.ஆர்.விஜயா.
~~~~~~~~~~~~~~
கருத்துகள் இல்லை:
கருத்துரையிடுக